Shyǵys Qazaqstannyń sý qoımalaryna 4,2 mln shabaq jiberildi
ÓSKEMEN. QazAqparat - Naýryz aıynan beri Shyǵys Qazaqstannyń sý qoımalaryna aqsaqa balyǵynyń 4,2 mln shabaǵy jiberildi, dep habarlaıdy QazAqparat tilshisi.
Balyqtandyrý sharalary Buqtyrma, Shúlbi jáne Óskemen sý qoımalarynda júrgizildi. Bul sharalar tolyqtaı toǵan ıeleriniń qarjysyna júrgizilýde.
-Balyq óńdeýshi kásiporyndar toǵandarda jumys isteýge ruqsat alǵanda birneshe talap qoıylady. Sonyń biri ýchaskeni ýaqtyly balyqtandyryp otyrýdy kózdeıdi. Sonyń aıasynda ózen-kólderden balyq aýlaıtyn 6 seriktestik kóktemgi balyqtandyrý sharalaryn ótkizdi. Al kúzde memleket qarjysy esebinen shabaq shashý naýqany uıymdastyrylady. Oǵan bıýdjetten jyl saıyn 8 mln teńge bólinip keledi» - deıdi tabıǵı resýrstar jáne tabıǵat paıdalanýdy retteý basqarmasy basshysynyń orynbasary Arman Esentaev.
Atalmysh seriktestikter ózen-kólderge jalpy jıyny 4,2 mln qurtshabaq jibergen.
«Biz byltyr tenderdi kesh uttyq ta, balyqtandyrý sharasyna qatysyp úrlgermeı qalǵanbyz. Esesine bıyl eki jyldyń normasyn oryndap otyrmyz. Ertistiń Óskemen sý qoımasyna jatatyn bóligine 1,2 mln tonna shabaq jiberdik. Statıstıka boıynsha onyń 15 paıyzy aman-esen jetiledi. Onyń ózi tabıǵat úshin eleýli kómek. Aqsaqa shabaǵyn Qostanaıdan aldyrdyq. Bolashaqta ózimizde shabaq ósiretin tseh ashsaq degen oı bar» - deıdi «Grand Fısh» JShS-niń basshysy Aleksandr Sobolev.
