Shyǵys Qazaqstannyń medıtsına qyzmetkerleri Danıal Ahmetovke ashyq hat jazdy
ÓSKEMEN. QazAqparat - Shyǵys Qazaqstannyń medıtsına qyzmetkerleri oblys Ákimi Danıal Ahmetovtiń atyna hat jazyp, kadr tapshylyǵy ótkir turǵan oblystyq psıhıatrııalyq dıspanserdi jas kadrlarmen qamtamasyz etý problemasyn sheshýdi surady, dep habarlady «QazAqparat» HAA tilshisi.
Ashyq hat jazýǵa júrgizilgen áleýmettik aýdıt túrtki boldy, dep habarlady sala mamandary atynan ótinish avtory, qoǵamdyq keńestiń saraptamalyq jumys tobynyń tóraıymy Tatıana Chernysheva.
«ShQO Qoǵamdyq keńesiniń densaýlyq saqtaý boıynsha saraptamalyq jumys toby Sizden Semeı qalasy Memlekettik medıtsınalyq ýnıversıtetiniń túlekteri - jas mamandar úshin (balalardyń psıhıatr-dárigerleri) 6 mln teńge kóleminde «ústemeaqy» bólý, sondaı-aq balalar men eresekterge arnalǵan psıhıatrııalyq qyzmetterdi bólý maqsatynda «Shyǵys Qazaqstan oblystyq psıhıatrııalyq dıspanseri» kommýnaldyq memlekettik qazynalyq kásipornyn qaıta qurý múmkindigin qarastyrýdy suraıdy», - delingen hat mátininde.
Atap ótilgendeı, ashyh hat jazýǵa balalar psıhıatrııasy salasynda áleýmettik aýdıttiń júrgizilýi jáne ýákiletti organnyń enjarlyǵy sebep bolǵan. Zertteý nátıjeleri atalmysh sala asa qanaǵattanarlyqsyz jaǵdaıda ekendigin jáne damý men jańǵyrtýdy talap etetindigin kórsetip otyr.
