Shyǵys Qazaqstannyń keıbir ózenderinde sý deńgeıiniń kóterilýi yqtımal - TJM
ASTANA. Jeltoqsannyń 4-i. QazAqparat - Búgin, jeltoqsannyń 4-i kúni Qostanaı, Soltústik Qazaqstan jáne Pavlodar oblystarynyń keı jerlerinde burqasyn, kóktaıǵaq bolyp,
sekýndyna 17-22 metr jyldamdyqpen jel soǵady, dep habarlaıdy QazAqparat QR TJM-ǵa silteme jasap.
Mınıstrliktiń habarlaýynsha, búgin Qazaqstannyń ońtústik aımaqtarynyń aýa-raıyn atmosferalyq aǵymnyń ótýi anyqtamaq. Respýblıkanyń soltústik jáne soltústik-shyǵysyna Batys Sibirdiń ortalyq aýmaqtaryna tsıklonnyń jyly aǵymdary taraıtyn bolady.
Aqmola jáne Qaraǵandy oblystarynda - keı jerlerde tuman, kóktaıǵaq bolady, jeldiń ekpini sekýndyna 15-20 metrge deıin jetedi. Aqmola oblysynda keı jerlerde burqasyn bolady.
Qyzylorda, Aqtóbe, Almaty jáne Jambyl oblystarynda keı jerlerde tuman, kóktaıǵaq bolady.
Ońtústik Qazaqstanda, túnde Mańǵystaý, Atyraý jáne Batys Qazaqstan oblystarynda keı jerlerde tuman túsedi dep kútilýde.
Sondaı-aq osy táýlikte Qazaqstannyń soltústik jáne shyǵys aımaqtaryndaǵy ózender men kólderde muzdyń qatýy kúsheımek, al Shyǵys Qazaqstannyń keıbir ózenderinde sý deńgeıiniń kóterilýi yqtımal. Syrdarııa ózeninde sýdyń temperatýrasy tómendeıdi dep boljanýda.
