Shyǵys Qazaqstannyń Altaı aýdanynda kópbalaly otbasylar baspanaly boldy
Aýdanda 8 otbasy jańa úıge kóship kirdi. Aýdan ákimi K.Baıgonýsov barlyǵyna kilt tapsyryp, osy ataýly kúnmen quttyqtady.
«Táýelsizdik alǵannan beri elimizde azamattardyń barlyq sanattaryn áleýmettik qoldaý boıynsha birqatar memlekettik baǵdarlama iske asyrylady. Elbasy N.Nazarbaev jáne el Prezıdenti Q.Toqaev turǵyndardyń ómir súrý sapasyn arttyrýǵa erekshe kóńil bóledi. Búgin osyndaı tamasha mereke kúni biz jańa baspanany paıdalanýǵa berip otyrmyz», - deıdi K.Baıgonýsov.
«Qýanyshymyzda shek joq. Óz úıimizdiń bolýy - úlken arman edi. Osyndaı qýanyshty oqıǵalar kóbeıe bersin! Ol - eń aldymen Elbasymyz N. Nazarbaevtyń sarabdal saıasatynyń arqasy, osynyń barlyǵyna memlekettiń múmkindigi boldy, bizge baspana alýǵa kómektesti. El Prezıdenti Q. Toqaevqa, oblys ákimi D. Ahmetovke jáne aýdan ákimi Q. Baıgonýsovqa úlken rahmet»,- deıdi qonys toıyn toılaýshylar.
Barlyq úıler «Nurly jer» baǵdarlamasy aıasynda salynǵan. Aýdan kásipkerleri úılerdi jeke qarajatyna salady. Daıyn baspanany memleket satyp alady.
Kelesi jyly aýdanda taǵy 20 úı turǵyzý josparlanyp otyr.
