Shyǵys Qazaqstanǵa pavlodarlyq qutqarýshylar kómekke attandy
ASTANA. QazAqparat - Shyǵys Qazaqstandaǵy sý basqan aýmaqtardy tazartý úshin Pavlodar oblysynan jeke quramnyń 9 qyzmetkeri jáne 2 arnaıy tehnıka kómekke jiberildi, dep habarlaıdy QazAqparat ShQO tótenshe jaǵdaılar departamentine silteme jasap.
Shyǵys Qazaqstan oblysy erigen qar sýynan áli kúnge zardap shegip otyr. «112» qyzmetine oblys aýdandarynyń túkpir-túkpirinen qońyraýlar kelip túsýde.
Eske sala keteıik, Shyǵys Qazaqstan oblysynda qutqarýshylar bir kúnde 42 adamdy qaýipsiz jerge kóshirgen bolatyn. Turǵyndardyń kópshiligi úıin ıesiz qaldyrýǵa qorqyp, evakýatsııadan bas tartyp jatyr.
Qazir oblysta 27 úı jáne 131 aýla mańyndaǵy aýmaqty erigen qar sýy basqan.
Glýbokov, Shemonaıha, Ulan aýdandarynda, Óskemen jáne Rıdder qalalarynda ShQO TJD, Shyǵys óńirlik aeromobıldik jedel qutqarý jasaǵy, aýdandyq TJ qyzmetkerleri apat saldaryn joıyp jatyr. 
