Shyǵys Qazaqstanǵa apta saıyn 400 tonna qant jetkizilýde

ÓSKEMEN. QazAqparat – Shyǵys Qazaqstan oblysyna apta saıyn 400 tonna qant jetkizilýde, dep habarlaıdy QazAqparat tilshisi.

«Ertis» ÁKK ulttyq kompanııasynyń málimetine súıensek, óńirge 56 vagon, ıaǵnı 3797 tonna qant jetkizýge kelisim-shart jasalǵan. Qant qazaqstandyq Taraz jáne Kóksý zaýyttarynan jetkiziledi.

«Búgingi tańda oblys boıynsha 1900 tonna qant, onyń ishinde Óskemenge 1100 tonna qant kelip tústi. Bul qanttyń barlyǵy halyqqa birden satylyp ketken. Aldaǵy ýaqytta da qant jetkizý jumystary kúsheıtilgen rejımde jalǵasatyn bolady. Jaǵdaı turaqty baqylaýymyzda», - deıdi kompanııanyń memlekettik baǵdarlamalar departamentiniń dırektory Artem Demıdov.

Onyń aıtýynsha, tamyz aıynan bastap Shyǵys Qazaqstanǵa keletin qant kólemi aptasyna 400 tonnaǵa deıin arttyrylǵan.