Shyǵys Qazaqstanǵa aldaǵy jylytý maýsymynda 4 mln tonnadan astam kómir qajet
«Birinshi kezekte, ótken jyldaǵydaı kómir jetkizýde olqylyqtar bolmas úshin Energetıka jáne TÚKSh basqarmasyna «QTJ» UK jáne «Qarajyra» AQ-men birlesip, ár aı boıynsha tıeý kestesin naqty derektermen ázirleý kerek. Aldaǵy jylytý maýsymyna bizge 4 271 myń tonna kóleminde kómir qory qajet. Bul ótken jylmen salystyrǵanda 400 myń tonnaǵa artyq», - dedi oblys ákimi Danıal Ahmetov.
Onyń aıtýynsha, 10 jylý elektr ortalyǵy, 4 GES, 520 qazandyq, barlyq áleýmettik nysandar men turǵyn úıler jylytý kezeńine daıyn bolýy tıis.
«Al qıyndyqtar týyndaǵan Rıdder jylý elektr ortalyǵyna qatysty aıtar bolsaq, jaqyn kúnderi oǵan beıindi mınıstrlikten komıssııa keledi. Ortalyq basshylyǵy jóndeý jumystaryna 5 mlrd teńge qajet ekendigin aıtty. Biraq mundaı shyǵyndardyń qujattyq negizdemesin áli usynǵan joq», - dedi Danıal Ahmetov.
Esterińizge sala ketsek, osyǵan deıin Óskemen turǵynynyń úıinen 4 tapansha men 150 oq tabylǵanyn habarlaǵan edik.
