Shyǵys Qazaqstandaǵy túrmelerde baqylaý kúsheıtilgen

ÓSKEMEN. QazAqparat – Shyǵys Qazaqstan oblysyndaǵy túzetý mekemelerinde jaǵdaı turaqty, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, QR Prezıdentiniń Tótenshe jaǵdaı jarııalaý jaıly Jarlyǵyna sáıkes óńirdegi túrmelerde baqylaý kúsheıtilgen.

«Oblys boıynsha barlyǵy 10 túzetý mekemesi bar. Kolonııalardaǵy qaýipsizdikti qamtamasyz etý jáne tótenshe jaǵdaılardyń aldyn alý maqsatynda qamaýǵa alynǵandardyń quqyqtaryn júzege asyrýda ýaqytsha shekteý is-sharalary júrgizilýde. Búginde túrmelerdegi departament qyzmetkerleri kúsheıtilgen tártipte qyzmet etýde. Kolonııalarda jáne barlyq probatsııa qyzmetterinde jaǵdaı turaqty. Zańǵa qaıshy eshqandaı áreket tirkelgen joq», - delingen aqparatta.

Esterińizge sala ketsek, osyǵan deıin Óskemen qalasyndaǵy ShQO ákimdigi aldynda kólik qatynasyna qaıta ruqsat berilgendigi habarlanǵan.