Shyǵys Qazaqstandaǵy tasjoldyń 5 ýchaskesinde qar túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, «Qazseldenqorǵaý» ShQ fılıalynyń mamandary kóshkin qaýpi bar taý betkeılerin qardan tazartýdy jalǵastyrýda.
«Katonqaraǵaı aýdanyndaǵy «Aqsý-Taldy» tasjolyndaǵy 5 kóshkin qaýpi bar ýchaskede profılaktıkalyq kóshkin júrgizildi. Sonyń nátıjesinde, jalpy kólemi 16 200 tekshe metr qar túsirilgen», - delingen aqparatta.
«Sógir-Barlyq», «Aqsý-Taldy» jergilikti mańyzy bar joldar jaǵdaı tolyq turaqtalǵanǵa deıin avtokóliktiń barlyq túrleri úshin jabyldy.
Aıta keteıik, Katonqaraǵaı aýdanynda jergilikti jáne respýblıkalyq mańyzy bar tasjoldarǵa qaýip tóndiretin 45 ýchaske bar.
