Shyǵys Qazaqstandaǵy statsıonarlarda 40 adam koronavırýstan emdelip jatyr
ÓSKEMEN. QazAqparat – Shyǵys Qazaqstan oblysyndaǵy statsıonarlarda 40 adam koronavırýstan emdelip jatyr, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 ınfektsııasyn juqtyrǵan 5 adam tirkeldi. Onyń ishinde 1 azamatta aýrý sımptomdary baıqalǵan joq.
«Bir kúnde 17 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 40 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 3,7 paıyzdy quraıdy. Jalpy pandemııa bastalǵaly beri aımaq boıynsha 59 588 adam vırýs juqtyrǵan», - delingen aqparatta.
Esterińizge sala ketsek, osyǵan deıin elimizde ótken táýlikte 25 adamnan koronavırýs ınfektsııasynyń anyqtalǵany habarlandy.
