03:09, 19 Naýryz 2022 | GMT +6
Shyǵys Qazaqstandaǵy ózenderde 12 ret muzdy usaqtaý jumystary júrgizildi
ÓSKEMEN. QazAqparat – Shyǵys Qazaqstan oblysyndaǵy ózenderde 12 ret muzdy usaqtaý jumystary júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Altaı aýdany Bogatyrevo, Bykovo aýyldaryndaǵy Buqtyrma ózeninde muz jaryldy.
Mundaǵy maqsat – muz keptelisin boldyrmaý, sý tasqynynyń aldyn alý. Eki ýchaskede jalpy salmaǵy 1674 keli jarylǵysh zat paıdalanyldy.
«Bizde oblys boıynsha 18 ýchaskede muzdy usaqtaý mindeti tur. Búginde onyń 12-sinde tıisti jumystar oıdaǵydaı atqaryldy. Usaqtalǵan muzdyń aýmaǵy 135 160 sharshy metrdi qurap otyr. Bul úshin 9386 keli jarylǵysh zat jumsaldy», - deıdi oblystyq TJD eskertý basqarmasynyń bastyǵy Alekseı Shtykel.
