Shyǵys Qazaqstandaǵy «Óskemen-Samar» tasjolynda qar kóshkini túsirildi

ÓSKEMEN. QazAqparat – Shyǵys Qazaqstan oblysyndaǵy «Óskemen-Samar» tasjolynda jasandy jolmen qar kóshkini túsirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi «Óskemen-Samar» tasjolynda profılaktıkalyq maqsatta qar kóshkini túsirildi.

Oblystyń taýly jerlerinde qar kóshkini júrý qaýpi saqtalýda. Soǵan oraı «Qazseldenqorǵaý» fılıalynyń mamandary «Óskemen-Samar» tasjolynda qar kóshkininiń aldyn alý sharasyn júrgizdi. Jarylys nátıjesinde barlyǵy 2100 tekshe metr qar túsirilgen.

«Osyndaı sharalar óte qajet. Sebebi qar kóshkini jolda ketip bara jatqan azamattarǵa úlken qaýip tóndiredi. Aýa-raıynyń kúrt ózgerýinen, qalyń qar jaýyp, qatty jel soǵýynan kóshkin júrip jatady. Sondyqtan turǵyndarǵa barynsha abaı bolýǵa keńes beremiz», - deıdi fılıal basshysy Omar Dúzgimbaev.