Shyǵys Qazaqstandaǵy ormandarda bıyl 27 ret órt boldy
ShQO Tótenshe jaǵdaılar departamenti baspasóz qyzmetiniń málimetine súıensek, bıylǵy órt qaýpi joǵary kezeń bastalǵaly beri óńir aýmaǵynda 56 ret dalada shóp órtenip, qyzyl jalynnyń jalpy aýdany 1657 gektardy qurady. Sondaı-aq oblys ormandarynda 27 ret órt shyqqan.
«Departament mamandary órttiń aldyn alý úshin keń aýqymdy jumys júrgizýde. Azamattyq qorǵaý, jergilikti polıtsııa qyzmeti, ormanshylar men jergilikti atqarýshy organ ókilderinen 69 mobıldi top qurylǵan. Onda 384 adam bar. Mobıldi top músheleri jyl basynan beri 493 reıd ótkizdi. Sonyń nátıjesinde 8 azamat 336-baby boıynsha (órt qaýipsizdigi jónindegi talaptardy saqtamaý) ákimshilik jaýapkershilikke tartyldy», - deıdi oblystyq TJD bastyǵynyń orynbasary Serik Amangeldın.
Órt shyǵýyn bastapqy kezeńde anyqtaý úshin qutqarýshylar ǵarysh arqyly monıtorıng júrgizýde. «Geosat» JShS-men jasalǵan shart termonúkteler boıynsha derekterdi alýǵa múmkindik beredi.
Barlyǵy 190-nan astam termonúkte tirkelip, olardy órt sóndirý bólimsheleri jedel óshirip, tilsiz jaýdyń odan ári taralýyna jol berilmedi.