Shyǵys Qazaqstandaǵy orman órti tolyq sóndirildi

ÓSKEMEN. QazAqparat – Shyǵys Qazaqstan oblysy Katonqaraǵaı aýdanyndaǵy orman órti tolyqtaı sóndirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, órt 17 maýsymda Katonqaraǵaı aýdanyndaǵy «Katonqaraǵaı ulttyq tabıǵı parki» RMM Aqsý fılıalynyń aýmaǵynda (Ýst-ıAzovskoe ormanshylyǵy) jetýi qıyn taýly jerde shyqqan.

Qyzyl jalyn shóp pen butalardy sharpydy.

Órtti sóndirýge TJD-dan 11 adam, orman sharýashylyǵynan 99 adam jáne 3 tehnıka, «Avıaormanqorǵaý» mekemesinen 6 adam jáne jergilikti atqarýshy organnan 7 adam jumyldyryldy.

Tilsiz jaý keshe saǵat 14.00 shamasynda oqshaýlandy.

«19 maýsym saǵat 12.00-de órt tolyqtaı sóndirildi. Jalynnyń jalpy aýdany 15 gektardy qurady», - delingen aqparatta.