Shyǵys Qazaqstandaǵy muz ótkelde kólik qozǵalysyna ruqsat berildi

ÓSKEMEN. QazAqparat – Shyǵys Qazaqstan oblysy Buqtyrma sý qoımasyndaǵy muz ótkelde kólik qozǵalysyna ruqsat berildi, dep habarlaıdy QazAqparat tilshisi.

Kúrshim aýdany ákimdiginiń málimetine súıensek, qazir Buqtyrma sý qoımasyndaǵy muz ótkel kólik qozǵalysy úshin ashyldy.

«Aqpannyń 1-i kúni mamandar ótkelge baryp, tekserý jumystaryn júrgizdi. Sonyń nátıjesinde, muz qalyńdyǵy 22-25 santımetr ekendigi belgili boldy. Bul jeńil kólik qozǵalysy úshin qaýipsiz bolyp sanalady. Alaıda, salmaǵy 1,5 tonnadan asatyn júk kólikterdiń ótkelmen júrýine áli de tyıym salynady», - delingen aqparatta.

Eske salsaq, 11 qańtar kúni Kúrshim aýdanyndaǵy Qyzyl tý ótkelinde traktor muz astyna qulap ketken bolatyn.

Arada birneshe apta ótken soń ótkelge tekserý júrgizilip, muzda jaryqtar bar bolǵandyqtan kólik qozǵalysyna tyıym salynǵan.

Foto: instagram.com/eastkazpolice