Shyǵys Qazaqstandaǵy «Qyzyl tý» muz ótkeli jabyldy
ShQO tótenshe jaǵdaılar departamenti baspasóz qyzmetiniń málimetine súıensek, 25 naýryzdan bastap «Qyzyl tý» muz ótkeli barlyq kólikter úshin jabyq.
Mamandar Buqtyrma sý qoımasynyń betindegi muzdyń juqarǵanyn anyqtaǵan.
«Ótkeldiń jabylýyna baılanysty eki jaǵalaýǵa postar qoıylyp, tyıym salatyn jol belgileri ornatyldy», - dep habarlady vedomstvo ókilderi.
Osy rette departament mamandary kúnniń kúrt jylynýyna baılanysty kóshkin júrý qaýpi artqanyn eskertip, óńir jurtshylyǵyna taýly aımaqtarǵa barmaýǵa keńes beredi.
Aıta keteıik, Prezıdent Qasym-Jomart Toqaevtyń tapsyrmasymen Kúrshim men Kókpekti aýdandarynyń arasyn jalǵaıtyn «Qyzyl tý» ótkelinde kópir qurylysy júrgizilip jatyr.
Bıyl osy maqsatqa oblystyq bıýdjetten 1 mlrd teńge bólingen bolatyn.