Shyǵys Qazaqstandaǵy qoryqta 400 jyldyq balqaraǵaı ósip tur
ÓSKEMEN. QazAqparat – Shyǵys Qazaqstan oblysyndaǵy Batys Altaı memlekettik tabıǵı qoryǵynda 400 jyldyq balqaraǵaı ósedi, dep habarlaıdy QazAqparat tilshisi.
Rıdder aýmaǵynda ornalasqan Batys-Altaı memlekettik tabıǵı qoryǵynda 400 jyldyq balqaraǵaı ósedi.
Ony jergilikti qoryqshylar «orman patshasy» dep atap ketken.
«Atalǵan balqaraǵaı Lıneıskıı jotasynda ósedi. Negizgi dińiniń dıametri – 2 metr, bıiktigi – 18,5 metr. Jasy – 400 jyldan asady. Aǵash jemis berip tur. Balqaraǵaıdyń jańǵaǵymen ormandaǵy barlyq tirshilik ıesi qorektenedi. Eger ol jemissiz bolsa, taıganyń turǵyndary da ómir súre almaıdy. Balqaraǵaıǵa eshbir aǵash teń kelmeıdi. Bul aǵash Sibir jáne Altaı halyqtary úshin kıeli sanalady», - dep jazylǵan qoryqtyń Instagram jelisindegi paraqshasynda.
Balqaraǵaı qoryqtyń barlyq aýmaǵynda ósedi. Qoryqshylardyń aıtýynsha, orman aýmaǵynda órt jıi shyqsa balqaraǵaıdyń sany birshama azaıyp ketpek. Sondyqtan óńir jurtshylyǵy ormanǵa barǵan kezde órt qaýipsizdigi talaptaryn qatań saqtaýy qajet.
Esterińizge sala ketsek, 10 mamyr kúni Rıdder orman sharýashylyǵynda shyqqan alapat órt 300 gektar aýmaqqa jaıylǵan bolatyn.
