Shyǵys Qazaqstandaǵy iri dala órtimen kúres jalǵasýda
ÓSKEMEN. QazAqparat – Shyǵys Qazaqstan oblysy Altaı aýdanyndaǵy iri dala órtimen kúres jalǵasýda, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Altaı aýdanyndaǵy «Zyrıan» orman sharýashylyǵy jáne «Bykov» ormanshylyǵynda shóp pen buta órtenýde. Qazirgi ýaqytta qyzyl jalynnyń jalpy aýdany 400 gektarǵa jetti. Barlaý jasaý úshin «Qazavıaormanqorǵaý» mekemesiniń AN-2 ushaǵy iske qosylǵan.
Oqıǵa ornynda 300-ge jýyq adam jáne 24 tehnıka tilsiz jaýmen kúresip jatyr. Órtti sóndirýge sýaǵar qurylǵysy bar MI-8 tikushaǵy jumyldyryldy. Áýeden 2 ret jalpy kólemi 6 tonnadaı sý tógildi. Departamenttiń jedel shtaby sol jerde táýlik boıy jumys isteýde», - delingen aqparatta.
Eske salsaq, osyǵan deıin ShQO-da dala órti 2 qyrkúıek kúni túski ýaqytta shyqqanyn habarlaǵan edik.
