Shyǵys Qazaqstandaǵy HQO-lardyń biri jańa ǵımaratqa kóshti
ÓSKEMEN. QazAqparat - Shyǵys Qazaqstan oblysy Úrjar aýdanyndaǵy HQO jańa ǵımaratqa kóshti, dep habarlaıdy QazAqparat tilshisi.
Úrjar aýdanynyń turǵyndary qujattardy rásimdep, barlyq qajetti anyqtamalardy jańa Halyqqa qyzmet kórsetý ortalyǵynan ala alady. Ol Igembaeva kóshesi, 65 mekenjaıy boıynsha ornalasqan.
«Azamattarǵa arnalǵan úkimet» memlekettik korporatsııasynyń Shyǵys Qazaqstan oblysy boıynsha fılıalynyń dırektory Azamat Esembýlovtyń aıtýynsha, jańa ǵımaratta memlekettik qyzmetterdi sapaly kórsetý úshin barlyq jaǵdaı jasalǵan.
«Halyqqa qyzmet kórsetý ortalyǵynyń burynǵy ǵımaraty tym tar bolǵandyqtan jańaǵa aýystyrdyq. Halyqqa yńǵaıly bolý úshin jańa ǵımarat Úrjar aýylynyń ortalyǵynda tur.Sondaı-aq bul HQO-da múmkindigi shekteýli qyzmet alýshylar úshin de barlyq jaǵdaı jasalynǵan», - dedi ol.
Sonymen qatar jańa HQO-da qujattardy qabyldaıtyn jumys terezeleriniń sany artty.
Esterińizge sala keteıik, oblys boıynsha barlyq HQO-lar shtattyq rejımde jumys isteıdi. Jumys kestesi: dúısenbi-juma arylyǵynda túski úzilissiz 9.00-den 18.00-ge deıin. Al senbi kúni saǵat 9.00-den 13.00-ge deıin.
