Shyǵys Qazaqstandaǵy dala órtteriniń biri oqshaýlandy
ÓSKEMEN. QazAqparat – Shyǵys Qazaqstan oblysy Glýbokoe aýdanynda shyqqan dala órti oqshaýlandy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 7 qyrkúıek kúni Glýbokoe aýdanynda ashyq alańda órt shyqqan.
«Kamennyı karer aýylyndaǵy dala órtiniń jalpy aýdany 60 gektardy quraǵan. Bıiktigi shamamen 800 metrge jetetin taýly jerge jaıylǵan jalyndy aýyzdyqtaý qıynǵa soqty. Qutqarýshylar, polıtseıler men jergilikti atqarýshy organ qyzmetkerleri órttiń eldi mekenderge taralýynyń aldyn aldy. 8 qyrkúıek kúni tańerteń tilsiz jaý oqshaýlandy», - delingen aqparatta.
Órtti sóndirýge barlyǵy 70 adam men 15 tehnıka jumyldyrylǵan. Dese de qazirgi ýaqytta oblystyń basqa aýdandarynda jalynnyń beti qaıtpaı jatyr.
