Shyǵys Qazaqstandaǵy dala órti 700 gektarǵa jaıyldy
ÓSKEMEN. QazAqparat – Shyǵys Qazaqstan oblysy Altaı aýdanynda 700 gektarǵa jaıylǵan dala órtiniń beti qaıtpaı jatyr, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 2 qyrkúıek kúni túski ýaqytta Altaı aýdanynda ashyq alańda órt shyqty.
Qazirgi ýaqytta «Zyrıan» orman sharýashylyǵy jáne «Bykov» ormanshylyǵyna jaıylǵan qyzyl jalynnyń jalpy aýdany 700 gektarǵa jetip otyr.
«Tilsiz jaý taýly aımaqta buta men shópti sharpýda. Sol jerde qutqarýshylar, jergilikti atqarýshy organ ókilderi, ormanshylar, «Qazavıaormanqorǵaý» mekemesiniń qyzmetkerleri damylsyz jumys isteýde. Eldi mekenderge tónip turǵyn qaýip joq. Órtti sóndirýge barlyǵy 320-dan astam adam men 25 tehnıka jumyldyryldy», - delingen aqparatta.
Vedomstvo dereginshe, búgingi tańda ystyq aýa-raıyna baılanysty oblysta órt qaýpi joǵary jaǵdaı saqtalýda.
Eske salsaq, keshe Altaı aýdanyndaǵy dala órtiniń jalpy aýdany 400 gektardy quraǵan bolatyn.
