Shyǵys Qazaqstandaǵy Besqaraǵaı aýdanyna jańa ákim taǵaıyndaldy

ÓSKEMEN. QazAqparat – Shyǵys Qazaqstan oblysy Besqaraǵaı aýdanynyń ákimi bolyp Jarqynbek Baısabyrov taǵaıyndaldy, dep habarlaıdy QazAqparat tilshisi.

Jarqynbek Borashuly 1969 jyly 9 tamyzda Shyǵys Qazaqstan oblysy Úrjar aýdany Birinshi maı aýylynda dúnıege kelgen. Eki joǵary bilimi bar. Atap aıtqanda 1992 jyly Semeıdiń zootehnıkalyq-maldárigerlik ınstıtýtyn, 2008 jyly M.Áýezov atyndaǵy Semeı ýnıversıtetin támámdady.

Eńbek jolyn 1992 jyly Shyǵys Qazaqstan oblysy Úrjar aýdany Birinshi maı aýylynda Kalının atyndaǵy ujymdyq sharýashylyǵynyń sanıtarlyq-emdeý pýnktinde meńgerýshi qyzmetinen bastaǵan.

1996 jyldyń naýryz aıynan 1998 jyldyń sáýirine deıin «1 Maı» JShS-niń meńgerýshisi. 1998-2004 jyldary «Erasyl» sharýa qojalyǵynyń basshysy, 2004 jyldyń sáýir aıy men qarasha aıy aralyǵynda Nekrasov aýyldyq okrýgi ákiminiń mindetin atqarýshy bolyp qyzmet etti.

2004-2006 jyldary Nekrasov aýyldyq okrýginiń ákimi bolǵan. 2006-2008 jyldary aralyǵynda Joǵary Eginsý aýyldyq okrýginiń ákimi laýazymyn atqarsa, 2008 jyldyń sáýir aıynan 2017 jyldyń qarashasyna deıin Shyǵys Qazaqstan oblysy Úrjar aýdany ákiminiń orynbasary bolyp qyzmet etken.

2017 jyldan bastap osy ýaqytqa deıin Abaı aýdanyn basqardy.