Shyǵys Qazaqstandaǵy aýyldy sý basqany týraly aqparat jalǵan - TJD

ÓSKEMEN. QazAqparat – Shyǵys Qazaqstan oblysy Ulan aýdanyndaǵy aýyldy sý basyp jatqany týraly aqparat jalǵan, dep habarlaıdy QazAqparat tilshisi.

Búgin áleýmettik jelide Ulan aýdany Gornıak aýylyn sý basyp jatqany týraly vıdeo tarady.

Osy rette ShQO tótenshe jaǵdaılar departamenti bunyń shyndyqqa janaspaıtyndyǵyn málim etti.

«Birde-bir úıdi sý baspady. Aýyl turǵyndarynan sý tasqyny týraly habarlasqan eshkim bolǵan joq. Qazir aımaqtaǵy jaǵdaı turaqty. Beınejazbada taýdan aǵyp jatqan qarǵyn sý túsirilgen. Sondyqtan jalǵan aqparatty taratpaýdy suraımyz», - delingen aqparatta.

Jalpy Shyǵys Qazaqstanda sý tasqynyna beıim 71 eldi meken bar.

Búginde atqarylǵan sharalardyń nátıjesinde 15 eldi mekende qaýip tolyqtaı joıylyp, 46-synda azaıtylǵan.

Eske salsaq, osyǵan deıin Shyǵys Qazaqstan oblysynda sý tasqyny qaýpi bar ýchaskelerdi baqylaýǵa 260 volonter tartylǵany habarlanǵan.