Shyǵys Qazaqstandaǵy Altaı qalasynda jóndelip jatqan Lenın eskertkishi qırap qaldy

ÓSKEMEN. QazAqparat – Shyǵys Qazaqstan oblysynyń Altaı qalasynda jóndelip jatqan Lenın eskertkishi qırap qaldy, dep habarlaıdy QazAqparat tilshisi.

Altaı qalasynyń ortalyǵynda ornalasqan Lenınniń eskertkishin jóndeýge aýdan ákimdiginen qarajat bólingen. 15 tamyz kúni jóndeý jumystaryn júrgizip jatqan merdiger kompanııanyń júk tıegish kóligi eskertkishti qulatyp, qıratyp alǵan.

Aýdan ákimdiginiń málimetine súıensek, qazirgi ýaqytta osyǵan oraı tekserý jumystary júrgizilip jatyr.

«Eskertkishtiń jóndeý jumystary kezinde qulap ketýine baılanysty quqyq qorǵaý organdary tekserý júrgizýde. Oqıǵanyń barlyq mán-jaıy sodan keıin belgili bolmaq», - dep qysqa qaıyrdy ákimdikten.

Áleýmettik jelide jóndeý jumystaryn júrgizip jatqan merdiger kompanııa ókiliniń vıdeosy tarady. Onda ol eskerkishti óz qarajattaryna qalypqa keltiretindigin jetkizgen.