Shyǵys Qazaqstandaǵy 6 aýdanda sý tasqyny qaýpi saqtalýda
ShQO Tótenshe jaǵdaılar departamenti baspasóz qyzmetiniń málimetine súıensek, oblys boıynsha 6 aýdanda sý tasqyny qaýpi áli de saqtalýda. Qazir Tarbaǵataı, Katonqaraǵaı, Zaısan, Ulan, Kúrshim aýdandarynda topyraqtyń qatý tereńdigi 50 santımetrge, al qar jamylǵysynyń bıiktigi keı jerlerde 90 santımetrge deıin jetedi.
Aerovızýaldy zertteý nátıjesinde, jazyq aýmaqta qardyń tez erip jatqany baıqaldy. Ózenderdiń arnasynan asýy, aýyldardy sý basý jaǵdaılary tirkelgen joq. Іri ózender - Buqtyrma men Úlbiniń betinde áli de muz jatyr.
«Sý tasqyny kún kúrt jylynyp, jaýyn-shashyn kóp túsken kezde bolýy múmkin. Biraq naýryz aıynyń aldaǵy onkúndigine jasalǵan boljamǵa sáıkes, túnde aýa temperatýrasy 10-15 gradýs aıazdan túspeıdi. Sondyqtan qazir úlken qaýip joq», - delingen aqparatta.
Aıta keteıik, óńir boıynsha sý tasqyny jaǵdaıy ýshyǵyp ketse 1 719 adam, 756 tehnıka, 83 júzý quraly jáne 224 motopompa saqadaı saı tur.