Shyǵys Qazaqstandaǵy 5 mektep apatty jaǵdaıda tur
ShQO Bilim salasynda sapany qamtamasyz etý departamentiniń málimetine súıensek, mamandar mektepterdiń aldaǵy oqý jylyna daıyndyǵyn teksergen. Barlyǵy 642 bilim ordasyna baqylaý jasaldy.
«61 mektepte kompıýterlik synyptar joqtyǵy anyqtaldy. Kompıýterlerdiń 20 paıyzy eskirgen. Interaktıvti taqtalardyń 15 paıyzy jumys istemeıdi. Mektepterdiń 62 paıyzyndaǵy fızıka, hımııa, bıologııa kabınetteri eski modıfıkatsııada», - deıdi departament basshysy Zeınep Mahsýtova.
Onyń aıtýynsha, bilim berý mekemeleriniń 87 paıyzynda ǵana sport zaly bar. Al olardyń jartysynan astamy sporttyq qural-jabdyqtarmen jabdyqtalmaǵan. Mektepterdiń 35 paıyzynda beınebaqylaý júıesi bekitilgen standarttarǵa sáıkes kelmeıdi.
«Monıtorıng barysynda 5 apattyq jáne 7 apattyq jaǵdaıǵa deıingi mektep anyqtalyp otyr. Oblystyń 80 mektebi kúrdeli jóndeý jumystary qajet etedi. Qazirgi ýaqytta onyń segizinde ǵana jumys júrgizilýde», - deıdi Zeınep Mahsýtova.