Shyǵys Qazaqstandaǵy 4 aýdanda avtobeket ashylady
ÓSKEMEN. QazAqparat – Shyǵys Qazaqstan oblysyndaǵy 4 aýdanda avtobeket ashylady, dep habarlaıdy QazAqparat tilshisi.
Bul jaıly oblys ákimdiginde ótken jınalys barysynda aımaq basshysy Danıal Ahmetov málimdedi.
«Qoǵamdyq kólik qatynasy aýdandar arasyn baılanystyryp otyr. Jolaýshylar kóligi men avtomobıl joldary basqarmasyna osy jyldyń sońyna deıin tórt aýdanda avtobeket ashýdy tapsyrdym. Bul úshin offteık-kelisimshart negizinde salynǵan úıler paıdalanylady. Osyndaı bir úıdiń aýdany shamamen 200 sharshy metrdi quraıdy. Bul jolaýshylarǵa aýdanaralyq jáne óńiraralyq baǵyttarda qatynaıtyn avtobýstardy kútýge qolaıly jaǵdaı jasaý úshin jetkilikti», - dedi ol.
Danıal Ahmetovtyń aıtýynsha, óńirde jolaýshy tasymaly salasynda birqatar jumystar atqarylyp jatyr. Atap aıtqanda, Úrjar aýdany men Óskemen qalasyndaǵy áýejaılar jóndeýden ótkizilýde.
Sonymen qatar oblys ákimi óz sózinde Óskemendegi qoǵamdyq kólikterde elektrondy bıletteý júıesin engizý boıynsha jumysty tezdetý qajettigin atap ótti.
