Shyǵys Qazaqstandaǵy 3 aýdanda jaıylymdyq jer tapshy
Óńirde ıesiz qalǵan jerlerdi memleket menshigine qaıtarý jumystary júrgizilýde. Bul jaıly ShQO Aqparat ortalyǵynda ótken baspasóz máslıhaty barysynda oblystyq Jer qatynastary basqarmasynyń basshysy Nadejda Mıhaılıs málimdedi.
«2021 jyly Memleket basshysy qaraýsyz qalǵan jerlerdi tárkileý jaıly tapsyrma berdi. Jergilikti ákimdikter bos jatqan jerlerdiń tizimin jasady. Atqarylǵan jumystardyń nátıjesinde, buryn paıdalanylmaı kelgen 1 mıllıon gektardan astam jer anyqtaldy. Búgingi tańda Shyǵys Qazaqstanda mal jaıýǵa qajetti jer kólemi 146 myń gektardy quraıdy», - dedi ol.
Nadejda Mıhaılıstiń aıtýynsha, búginde Besqaraǵaı, Borodýlıha, Ulan aýdandarynda jáne Óskemen qalasynda jaıylymdyq jer tapshylyǵy sezilýde. Bos jatqan jerlerdi memleketke qaıtarý protsedýrasyna bir jylǵa jýyq ýaqyt ketedi.
Esterińizge sala ketsek, osyǵan deıin shyǵysqazaqstandyq 57 dárigerdiń shetelde tájirıbe jınap júrgenin habarlaǵan edik.
