Shyǵys Qazaqstanda jylytý maýsymy bastalyp ketti
ÓSKEMEN. QazAqparat - ShQO-da mekemelerge jylý berile bastady, dep habarlaıdy QazAqparat Altaynews aqparat agenttigine silteme jasap.
25 qyrkúıek kúni Altaı qalasyndaǵy 69 áleýmettik nysanǵa jylý berile bastady. Altaı qalasynda aýa raıynyń ortasha temperatýrasy - 15 gradýs jyly. Túnde gradýs tili tómenge túsip ketedi.
Aıta keteıik, 24-26 qyrkúıek kúnderi túnde aýa temperatýrasy 3 gradýsqa deıin tómendep, qatqaq júretinin «Qazgıdromet» te habarlaǵan bolatyn.
«69 nysannyń basym kópshiligi - balabaqsha, mektep jáne emhanalar. Olar jylý berý maýsymyna daıyn ekenin rastady», – dedi qala ákimi Konstantın Peredelskıı.
