Shyǵys Qazaqstanda jyl basynan beri ormannan 41 márte órt shyqqan
ÓSKEMEN. QazAqparat – Shyǵys Qazaqstan oblysynda 2021 jyldyń basynan beri 41 orman órti tirkeldi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, óńir boıynsha órt qaýpi joǵary kezeń bastalǵaly qaýipsizdik erejelerin saqtamaǵan 240-qa jýyq adam ákimshilik jaýapkershilikke tartylǵan.
«Shyǵys Qazaqstanda bıyl 41 orman órti tirkeldi. Osynyń saldarynan 330,64 gektar orman joıylǵan. Sondaı-aq oblys qutqarýshylary táýlik saıyn shópti sharpyǵan jalyndy aýyzdyqtaýǵa attanady. Qutqarýshylar, ormanshylar, polıtseıler jáne jergilikti atqarýshy organ ókilderi daladaǵy órttiń aldyn alý maqsatynda turaqty túrde baqylaý júrgizip otyr», - dep habarlady vedomstvo ókilderi.
Jyl basynan beri QR ÁKBtK 336-babyn jáne 410-babyn buzǵan 238 adam ákimshilik jaýapkershilikke tartylǵan.
«Osy rette halyqqa sóndirilmegen temeki tuqylyn jerge tastamaı, otty paıdalanǵan kezde barynsha abaı bolý qajettigin eskertemiz. Órt shyqqan jaǵdaıda dereý «101» nemese «112» nómirlerine habarlasý qajet» dep eskertedi departament.
