Shyǵys Qazaqstanda jyl basynan beri 800 tonnadan astam pishen janyp ketken
ÓSKEMEN. QazAqparat – Shyǵys Qazaqstan oblysynda bıyl 800 tonnadan astam pishen janyp ketken, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir aýmaǵynda órt qaýipsizdigi erejeleriniń saqtalmaýy saldarynan 41 ret pishen órtendi.
Barlyǵy 800 tonnadan astam pishen janyp ketken.
«Sońǵy órt ótken túnde boldy. Katonqaraǵaı aýdany Altynbel aýylyndaǵy Jeltoqsan kóshesinde ornalasqan jeke turǵyn úı aýlasynda 29 tonna pishen otqa orandy. Órt sóndirýshiler oqıǵa ornyna shuǵyl kelip jetti. Kóp uzamaı qyzyl jalyn tolyqtaı aýyzdyqtaldy», - dep habarlady vedomstvo ókilderi.
Qutqarýshylardyń aıtýynsha, jem-shóp óte tez janady. Tilsiz jaý malǵa da tez tarap, turǵyndarǵa eleýli shyǵyn keltiredi.
Sondyqtan otty abaılap paıdalanyp, órt qaýipsizdigi talaptaryn qatań saqtaý qajet.
