Shyǵys Qazaqstanda jyl basynan beri 76 dala órti tirkeldi
ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir aýmaǵynda 76 dala órti shyqty. Órtterdiń kóbisi ashyq jerde bolǵan. Jalpy aýdany – 1482,8 gektar.
«Oblys boıynsha órt qaýipsizdigin qamtamasyz etý úshin azamattyq qorǵaý qyzmetkerleri, polıtseıler, ormanshylar jáne jergilikti atqarýshy organ ókilderinen jalpy sany 270 adamnan turatyn 46 mobıldi top qurylǵan. Olar únemi reıd júrgizedi. Sonyń nátıjesinde órt qaýipsizdigi talaptaryn buzǵan 39 adam anyqtaldy», - dep habarlady vedomstvo ókilderi.
Atap aıtqanda, QR ÁQBtK-niń 336-baby boıynsha (Qaldyqtardy jınap qoıý nemese jaǵý kezinde atmosferalyq aýany qorǵaý jáne órt qaýipsizdigi jónindegi talaptardy saqtamaý) 9 adam, 410-babyna sáıkes (Órt qaýipsizdigi talaptaryn buzý nemese oryndamaý) 30 adam ákimshilik jaýapkershilikke tartylǵan.
Esterińizge sala ketsek, osyǵan deıin Rıdderde sportshy balalar jatqan qonaqúıden órt shyqqany habarlanǵan bolatyn.
