Shyǵys Qazaqstanda jyl basynan beri 47 kólik órtendi
ÓSKEMEN. QazAqparat – Shyǵys Qazaqstan oblysynda osy jyldyń basynan beri 47 avtokólik órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir boıynsha 47 kólik otqa oranǵan. Onyń 40-y jeńil kólik, 7-i júk kóligi.
«Máselen, Óskemende 29 sáýirde Nursultan Nazarbaev dańǵylyndaǵy aıaldamada turǵan 2005 jylǵy «Hyundai Tucson» markaly avtokólik janǵan. Oqıǵa ornyna órt sóndirýshiler shuǵyl kelip jetti. Jalpy aýdany 1,5 sharshy metrdi quraǵan qyzyl jalyn qozǵaltqysh bóliginde shyqqan. Aldyn ala málimet boıynsha órttiń shyǵý sebebi - qaýiptiligi joǵary agregatpen abaısyz jumys atqarý», - delingen aqparatta.
Osy rette, qutqarýshylar kólik órtenýiniń negizgi sebepterin atady. Olar kólik mehanızminiń, jabdyqtarynyń aqaýlyǵy, elektrmen jylytý quraldaryn paıdalaný kezindegi qaýipsizdik erejeleriniń buzylýy.
Esterińizge sala ketsek, osyǵan deıin ShQO-da birneshe aýyl halqynyń narazylyǵyn týǵyzǵan shoshqa fermasy tekseriletindigin habarlaǵan edik.
