Shyǵys Qazaqstanda jyl basynan beri 24 monsha órtendi
ÓSKEMEN. QazAqparat – Shyǵys Qazaqstan oblysynda jyl basynan beri 24 monsha órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda jyl basynan beri 24 monsha órtengen. Sońǵy órt 15 tamyzda Óskemende jeke turǵyn úıdiń mańyndaǵy monshada bolǵan.
Monsha shatyrynyń aǵash qurylymdary otqa orandy. Oqıǵa ornyna órt sóndirýshiler shuǵyl kelip jetti. Kóp uzamaı tilsiz jaý tolyqtaı aýyzdyqtalǵan.
«Monshadaǵy órt óte qaýipti sanalady. Sebebi jalyn úlken aýmaqqa tez taralyp ketedi. Bul kóp jaǵdaıda jaqyn ornalasqan qurylystarǵa baılanysty. Negizinen monshada órt shyǵýynyń sebebi – peshti paıdalaný kezinde qaýipsizdik talaptarynyń saqtalmaýynan bolyp jatady», - dedi ShQO TJD bastyǵynyń orynbasary Serik Amangeldın.
