Shyǵys Qazaqstanda jyl basynan beri 22 avtokólik órtendi

ÓSKEMEN. QazAqparat – Shyǵys Qazaqstan oblysynda bıyl 22 avtokólik otqa orandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir boıynsha 22 avtokólik órtendi.

Sońǵy oqıǵa búgin Óskemendegi Nazarbaev dańǵylynda boldy.

«Toqtap turǵan 1987 jyly shyqqan «Foltsvagen Golf» markaly avtokólikte órt shyqqan. Qozǵaltqysh bóligi men aspaptar paneli janyp ketti. Sol jerge shuǵyl kelip jetken órt sóndirýshiler qyzyl jalyndy tolyqtaı aýyzdyqtady. Aldyn ala derek boıynsha tilsiz jaýdyń shyǵý sebebi - qaýiptiligi joǵary agregatpen abaısyz jumys isteý», - delingen aqparatta.

Osy rette, oblystyq TJD qyzmetkerleri kóligińizdiń órtenýine jol bermes úshin kelesi erejelerdi saqtaý kerektigin eskertti:

- Kóliktiń tehnıkalyq jaǵdaıyn muqııat qadaǵalańyz.

- Kásibı mamandarǵa ýaqtyly teksertip otyryńyz.

- Eger kólikti garajǵa qoısańyz, onda tez janatyn zattardy, atap aıtqanda jıhazdy, kıim-keshekti, maıdy jaqyn mańǵa qoımańyz.