Shyǵys Qazaqstanda jyl basynan beri 104 kólik janyp ketti
ÓSKEMEN. QazAqparat – Shyǵys Qazaqstan oblysynda jyl basynan beri órt qaýipsizdigi erejeleriniń saqtalmaýynan 104 kólik janyp ketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetinshe, 1 tamyz kúni «Semeı - Kókentaý» tasjolynda 2012 jyly shyqqan «Kamaz Shansıman» markaly avtokóliginiń motor bóliginiń janǵysh bólshekteri, kabınasy men aldyńǵy dóńgelekteri janǵan.
Oqıǵa ornyna shuǵyl kelip jetken qutqarýshylar jalpy aýdany 6 sharshy metrdi quraǵan tilsiz jaýdy aýyzdyqtady.
Órttiń shyǵýyna qaýpi joǵary agregatpen abaısyz jumys atqarý sebep bolýy múmkin.
«Sondaı-aq 2 tamyzda Kúrshim aýylynda 2011 jylǵy «Ýaz» avtokóligi júrip kele jatyp órtengen. Qozǵaltqysh, aspaptar paneliniń bólshekteri, salonnyń qaptamasy, oryndyqtar men dońǵalaqtardyń aldyńǵy jáne artqy qaqpaqtary jandy. Órt sóndirýshiler jalpy aýdany 10 sharshy metrge jetken qyzyl jalyndy óshirdi», - dedi ShQO TJD bastyǵynyń orynbasary Qanat Ábdilov.
Onyń aıtýynsha, jyl basynan beri Shyǵys Qazaqstan oblysynda órt qaýipsizdigi erejeleriniń saqtalmaýynan 104 kólik janyp ketken.
