Shyǵys Qazaqstanda jyl basynan beri 10-ǵa jýyq adam qyzylsha juqtyrdy
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, jyl basynan beri óńir boıynsha aýrýhanalarǵa qyzylsha aýrýyna shaldyǵý kúdigimen 14 adam júgingen. Onyń ishinde 8 patsıentte aýrý tirkelse, qalǵan naýqastarda dıagnoz rastalmady.
«Qyzylshanyń alǵashqy jaǵdaıy aımaqqa Túrkııadan ákelindi. 7 adam aýrýdy osy jerde juqtyrǵan. Qyzylsha dıagnozy qoıylǵan naýqastardyń 88%-y vaktsına almaǵan. 8 naýqastyń ekeýi eresek adam, qalǵan 6-y 14 jasqa deıingi bala», - deıdi departament basshysynyń orynbasary Sáýle Slámǵazına.
Óz sózinde ol elimizde balalarǵa 1 jasynda qyzylshaǵa qarsy KKP vaktsınasy salynatyndyǵyn, 6 jasynda sol ekpe qaıta egiletindigin jetkizdi.
«Josparly ekpelerden basqa, 2023 jyly Qazaqstan boıynsha 1-den 17 jasqa deıingi balalarǵa qyzylshaǵa qarsy ımmýndaý naýqany bastaldy. ShQO boıynsha vaktsınatsııalanbaǵan 1664 adam anyqtaldy. Búgingi tańda olardyń barlyǵy ekpe alǵan», - deıdi S.Slámǵazına.