Shyǵys Qazaqstanda JRVI-men aýyrǵandar sany 1,6 esege artty

ÓSKEMEN. QazAqparat – Shyǵys Qazaqstan oblysynda jiti respıratorlyq vırýs ınfektsııasymen (JRVI) aýyrǵandar sany 1,6 esege artyp otyr, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńirde 2021 jyldyń qazany men 2022 jyldyń aqpan aıy aralyǵynda 64 788 adam jiti respıratorlyq vırýstyq ınfektsııany juqtyryp alǵan. Bul aldyńǵy jyldyń sáıkes kezeńimen salystyrǵanda 1,6 esege artyq.

«Onyń ishinde 46,2 paıyzy – 14 jasqa deıingi balalar. Al tumaý juqtyrǵandar sany – 341-di qurap otyr. JRVI men tumaýdan ólim-jitim jaǵdaılary bolǵan joq», - dep habarlady vedomstvo ókilderi.

Osy jyldyń basynan bastap 286 adamǵa «tumaý» dıagnozy qoıyldy. Eń kóbi Semeı (134) jáne Óskemen (92) qalalarynda tirkelgen.

Aıta ketý kerek, bıyl oblysta 140 myńnan astam adam JRVI-ge qarsy ekpe alǵan. Bul aımaq halqynyń jalpy sanynyń 10,3%-yn quraıdy.