Shyǵys Qazaqstanda JRVI-men aýyratyndar sany artqan
ÓSKEMEN. QazAqparat – Shyǵys Qazaqstan oblysynda JRVI-men aýyratyndar sany artyp keledi, dep habarlaıdy QazAqparat.
2020 jyldyń qańtar aıynda óńir boıynsha jedel respıratorlyq-vırýs ınfektsııasyna shaldyqqandar birshama kóbeıgen. Bul jaıly ShQO Densaýlyq saqtaý basqarmasy basshysynyń orynbasary Vladımır Lı málimdedi.
«Oblysta qańtardyń ekinshi onkúndigindegi jaǵdaı boıynsha JRVI-men aýyratyndar sany – 7 106 adam. Onyń ishinde Óskemen qalasynda – 1 433 fakti tirkeldi. Bul kórsetkish byltyrǵy kezeńmen salystyrǵanda 23 paıyzǵa kóp», - deıdi Vladımır Lı.
Esterińizge sala ketsek, osyǵan deıin Shyǵys Qazaqstan oblysy Altaı qalasyndaǵy 5 mektepte JRVI-diń órshýine baılanysty karantın jarııalanǵandyǵy habarlanǵan bolatyn.
