Shyǵys Qazaqstanda joıylý qaýpi bar ósimdikter men janýarlardyń Qyzyl kitaby jasalady
ASTANA. QazAqparat - Bıologtar Shyǵys Qazaqstannyń ósimdikter men janýarlar áleminiń sırek kezdesetin túrleri týraly materıaldar jınaýda, dep jazdy yk-news.kz.
Jumys nátıjesi boıynsha kitap shyǵarylyp, ol shamamen 2020 jyly óńirdiń ár oqý ornyna taratylatyn bolady.
Árıne, Qazaqstanda respýblıkalyq deńgeıdegi úlken Qyzyl kitap bar. Mamandardyń aıtýynsha, ondaı kitap tipti, ekeý: bireýi sırek kezdesetin janýarlarǵa, ekinshisi ósimdikterge arnalǵan. Alaıda, bul basylymdarǵa qoljetimdik joq.
«Qyzyl kitap 1984 jyly shyqqan, al 2015 jyly qaıta basylǵanda óte az danamen jaryq kórdi, - dep atap ótti S Amanjolov atyndaǵy ShQMÝ strategııalyq damý jáne ǵylymı jumystar jónindegi prorektory Anar Myrzaǵalıeva. - Bul kitap mektepterge ǵana emes, beıindi mamandar oqytylatyn ýnıversıtetterge de jetpegen».
Qazir oblys deńgeıinde materıaldardy biriktirý múmkindigi paıda boldy.
«Birqatar jobalar qoǵamdyq sanany jańǵyrtý baǵdarlamasy aıasynda júzege asyrylýda. Olardyń biri «Shyǵys Qazaqstan tabıǵaty jáne tabıǵı murasy» dep atalady», - dep jalǵastyrdy ol. - Oǵan ýnıversıtettiń ǵalymdar toby qatysýda. Jumys nátıjesinde Shyǵys Qazaqstannyń geologııalyq atlasyn, oblystyń tarıhı-mádenı murasy qyzyl kitabyn, ósimdikter men janýarlar qyzyl kitabyn shyǵarýdy josparlap otyrmyz».
