Shyǵys Qazaqstanda JOO-lardyń ǵylymı áleýeti ónerkásipterdi damytýǵa jumsalady
ÓSKEMEN. QazAqparat - Shyǵys Qazaqstannyń joǵary oqý oryndarynyń ǵylymı áleýeti ónerkásipterdi damytýǵa jumsalady. Ǵalymdar men stýdentter jańa óndiristerdi ashý maqsatynda jumyla is atqarmaq. Osynaý birlesken jumys aıasynda medıtsına men munaı-gaz óndirisi úshin tıtan men tantaldan ártúrli buıymdar daıyndaý isi jolǵa qoıylmaq.
Bul týraly aımaq ákimi Danıal Ahmetov eseptik kezdesýinde málim etti.
D. Serikbaev atyndaǵy ShQMTÝ men aımaqtyń iri ónerkásip oryndarynyń birlesken jumysynyń alǵashqy qarlyǵashy quny 8 mlrd. teńge turatyn 10 joba bolmaq. Halyq aldyndaǵy esep berý kezdesýinde oblys ákimi ǵalymdardyń ǵylymı-zertteý jumystary aımaqqa ne beretinin aıtty.
«Nátıjesinde oblysta tıtan jáne tantal ónimderin daıyndaýdyń joǵary tehnologııalyq óndiristeri paıda bolyp, medıtsına men munaı-gaz salasy ónerkásipteri úshin joǵary jeliler ashylmaq, sonymen qatar, «ónimsiz» kenderdi qaıta tıimdi óńdep, aımaqtyń ekologııalyq jaǵdaıyn jaqsartady», - dedi Danıal Ahmetov.
Sonymen qatar, Shyǵys Qazaqstannyń ónerkásip oryndarynda NIOKR kommertsıalandyrýdyń nátıjesi alyndy.
Budan basqa bul baǵyttaǵy jumystarǵa «Qaztsınk» JShS, «Qazmınerals» JShS-niń « Vostoktsvetmet» korporatsııasy, «Úlbi metallýrgııalyq zaýyty» AQ, «Óskemen tıtan-magnıı kombınaty» AQ men Germanııa, Reseı jáne Frantsııadaǵy seriktester jumyldyrylyp otyr.
