Shyǵys Qazaqstanda joldy kútip-ustaýǵa qatysty 42 zańbuzýshylyq anyqtaldy
Jol aktıvteriniń ulttyq sapa ortalyǵy ShQO fılıaly baspasóz qyzmetiniń málimetinshe, óńirde qańtar aıynyń basynan beri qalyń qar jaýyp, boran soǵýyna baılanysty jol mamandarynyń jumysy kóbeıgen.
«Biraq bul jumys sapasynyń tómendeýine ákelip soqpaýy kerek. Sol úshin baqylaýdy kúsheıttik. Mamandar kezekti reıdke shyǵyp, «Óskemen-Altaı» tasjolyn tekserdi. Tasjolda 2 tehnıka bolǵan. Tekserilgen aýmaqta óreskel zańbuzýshylyqtar anyqtalǵan joq. Al Óskemen-Rıdder jolynda jaǵdaı kúrdelirek. Jergilikti turǵyndardyń shaǵymy kólik toqtaıtyn oryndardyń tazalanbaǵanyna qatysty bolyp otyr», - delingen aqparatta.
Qys mezgilinde respýblıkalyq jáne oblystyq mańyzy bar joldarǵa barlyǵy 30-ǵa jýyq osyndaı reıd júrgizilgen. Sonyń nátıjesinde, joldy kútip-ustaýǵa qatysty 42 buzýshylyq anyqtaldy.