Shyǵys Qazaqstanda joldar jabyldy
ÓSKEMEN. Naýryzdyń 22-si. QazAqparat /Lıýdmıla Malko/ - Shyǵys Qazaqstanda Óskemennen Semeı, Rıdder, Shemonaıha baǵytyndaǵy joldardan basqa, barlyq joldar kólik qozǵalystary úshin jabyq,
dep habarlady tótenshe jaǵdaılar qyzmetinen.
Qutqarý qyzmetteri aımaqtyń barlyq joldarynda jumys isteýde. Keshe oblys ortalyǵynan jóneltilgen gýmanıtarlyq júk, joldyń ashylmaýynan zardap shekken aýdanǵa áli jetpegen. Jedel aqparat boıynsha, KamAZ jáne benzın tasıtyn kólikter burqasynnyń saldarynan Baıbýra asýynda toqtap tur.
Al zyrıandyq qutqarýshylar gýmanıtarlyq júkpen Ermakovka aýylyna jetken jáne olar jol boıy qar qursaýynan 34 adamdy qutqarǵan.
Semeıdiń mamandandyrylǵan órt sóndirý otrıadynyń qyzmetkerleri gýmanıtarlyq júk tıelgen 10 kólikti Znamenskoe selosynyń tusynda qar qursaýynan shyǵaryp aldy.
Áriptesterine kómekke kelgen qaraǵandylyq qutqarýshylar Jarma aýdanynda kópirler men sý ótkizgishterin tazalap jatyr.
