Shyǵys Qazaqstanda jolda qalǵan 2 adam evakýatsııalandy
ÓSKEMEN. QazAqparat – Shyǵys Qazaqstan oblysynda kólikteri synyp jolda qalǵan 2 adam evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 25 jeltoqsan kúni saǵat 06.30-da Abaı aýdanynda qutqarýshylar «Qaraýyl-Sarjal» tasjolynyń 15-shi shaqyrymynda «Audi» markaly avtokóligi buzylyp qalǵan eki turǵynǵa kómekke keldi.
«№46 órt sóndirý bóliminiń qyzmetkerleri kólikti Qaraýyl aýylyna deıin jetkizdi. Osy rette, óńir halqyna qaýipsizdik sharalaryn esten shyǵarmaý qajettigin, alys saparǵa shyqqan kezde «Dármen» mobıldi qosymshasy arqyly joldardyń jaı-kúıi týraly bilip otyrýǵa bolatyndyǵyn eske salamyz», - dep habarlady vedomstvo ókilderi.
