Shyǵys Qazaqstanda jol qyzmetiniń 34 basshysy jaýapqa tartyldy

ÓSKEMEN. QazAqparat – Shyǵys Qazaqstan oblysynda 34 jol qyzmetiniń basshysy ákimshilik jaýapkershilikke tartyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary turaqty túrde kósheler men joldardyń kólik qozǵalysy úshin qaýipsiz jaǵdaıda bolýyn, qardan ýaqtyly tazalanýyn baqylap otyrady.

«Qarasha-jeltoqsan aılarynda polıtseıler jol qadaǵalaý mamandarymen birlesip 200-den astam tekserý júrgizdi. Sonyń nátıjesi boıynsha qys kezinde joldy kútip ustaý erejelerin oryndamaǵan jol qyzmetteriniń 34 basshysy ákimshilik jaýapkershilikke tartyldy. Máselen, Óskemen qalasynda joldardy abattandyrýmen aınalysatyn 5 merdigerlik uıym qar jaýǵannan keıin óz mindetterin durys oryndamaǵan», - delingen aqparatta.

Atalǵan uıym basshylaryna kemshilikterdi joıý boıynsha tıisti nusqama jiberildi.