Shyǵys Qazaqstanda jol apatynan 8 adam zardap shekti
ÓSKEMEN. QazAqparat - Shyǵys Qazaqstanda jol-kólik apatynan 8 adam zardap shekti. Shyǵys óńirlik aeroutqyr jedel-qutqarý jasaǵynyń qutqarýshylary soqqydan myjylǵan avtomobılden bir adamdy shyǵaryp, onyń ómirin qutqaryp qaldy, dep habarlaıdy «QazAqparat» HAA tilshisi.
TJ departamentinen habarlaǵandaı, 18 maýsym kúni ShQO Ulan aýdanyndaǵy tasjolda eki jeńil avtomobıl soqtyǵysty. Jol apaty saldarynan 8 adam, sonyń ishinde úsh bala zardap shekti. Oqıǵa ornyna Apattar medıtsınasy ortalyǵynyń qyzmetkerleri men qutqarýshylar jetti.
Qutqarýshylar zardap shekkenderdi kólikterden shyǵaryp alyp, olarǵa dárigerler kómek kórsetti. Kólikter soqqy saldarynan qatty maıysqan, bir adam avtomobıldiń ishinde qysylyp qalǵan. Mamandandyrylǵan jasaqtyń qutqarýshylary gıdravlıkalyq quraldyń kómegimen ony metalldyń arasynan shyǵaryp aldy.
Tótenshe jaǵdaıdy joıý úshin medıtsına jáne apat ortalyǵynyń, ShÓAEQJ jáne mamandandyrylǵan jasaqtyń qutqarýshylary jumyldyryldy.
