Shyǵys Qazaqstanda jol apatynan 3 bala zardap shekti
ÓSKEMEN. QazAqparat – Shyǵys Qazaqstan oblysynda jol-kólik oqıǵasynan 3 bala zardap shekti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 15 qarasha kúni saǵat 16.30 shamasynda Altaı aýdany Seleznevka aýylynyń mańynda Lexus PX 300 kóliginiń 33 jastaǵy júrgizýshisi rýlge ıe bola almaı, kólik aýdarylyp ketken.
«Osynyń saldarynan 3 jolaýshy túrli dene jaraqatymen Jańa Buqtyrma aýylyndaǵy medıtsınalyq mekemege júgindi. Onyń biri - 5, ekeýi - 7 jasta» dep habarlady vedomstvo ókilderi.
Kólik júrgizýshisine qatysty QR ÁQBtK 620-baby boıynsha ákimshilik hattama toltyrylǵan.
