Shyǵys Qazaqstanda jol apatynan 3 adam zardap shekti
ShQO Polıtsııa departamenti baspasóz qyzmetiniń málimetine súıensek, Shemonaıha qalasynda Toyota Mark 2 avtokóliginiń júrgizýshisi mas kúıde rýlge otyrǵan. Sonyń saldarynan tizgindi basqara almaı qalyp, Toyota Land Cruzer kóligine soǵyldy.
«Jol-kólik oqıǵasynyń saldarynan eki kóliktiń júrgizýshileri jáne bir jolaýshy zardap shekti. Túrli deńgeıdegi jaraqat alǵan olar medıtsınalyq mekemege jatqyzyldy», - delingen aqparatta.
Atalǵan fakti boıynsha Qazaqstan Respýblıkasy Qylmystyq Kodeksiniń 345-babyna (Abaısyzda densaýlyqqa ortasha aýyrlyqtaǵy zııan keltirýge ákep soqqan jol qozǵalysy erejelerin buzý) sáıkes sotqa deıingi tergeý amaldary bastaldy. Qazirgi ýaqytta birqatar sot-medıtsınalyq saraptama taǵaıyndalǵan. Sonyń qorytyndysy boıynsha protsessýaldyq sheshim qabyldanady.