Shyǵys Qazaqstanda joǵalyp ketken 3 bala tabyldy
ÓSKEMEN. QazAqparat – Shyǵys Qazaqstan oblysy Katonqaraǵaı aýdanynda joǵalyp ketken 3 bala tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 2017, 2018 jáne 2020 jyldary týǵan balalar úı mańyna oınaýǵa shyǵyp, joǵalyp ketken. Bul týraly olardyń anasy «102» jedel arnasyna habarlasyp aıtty.
Ol óz betimen balalaryn eki saǵattan artyq ýaqyt izdegen. Alaıda esh nátıje shyqpady. Habar túsisimen tártip saqshylary izdestirý sharalaryna kiristi. Balalar oınap júrgen kóshedegi turǵyn úıler tekserildi.
«Balalar 20 mınýt ishinde tabyldy. Belgili bolǵandaı, úsheýi ózderiniń úılerinen 2 shaqyrymdaı jerge ketip qalǵan. Qazirgi ýaqytta olar ata-anasyna jetkizildi», - delingen aqparatta.
Áıel adam óz kezeginde jyldam áreket etken polıtseılerge rızashylyǵyn jetkizdi.
