Shyǵys Qazaqstanda joǵalǵan 4 jasar bala tabyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda joǵalyp ketken 4 jasar bala tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, mamyr aıynyń basynda «102» jedel arnasyna habarlasqan Glýbokoe aýdanynyń turǵyny úı mańynda oınap júrgen 4 jasar ulynyń joǵalyp ketkenin aıtqan.
Birden sol jerge tártip saqshylary kelip jetip, búldirshindi izdeýge kirisken.
«Polıtseıler barlyq kóshelerdi aralap, ózen jaǵasyn da qarap shyqty. Áıteýir bir saǵattyń ishinde bala tabyldy. Belgili bolǵandaı, ol dosymen birge kórshi turatyn balanyń aýlasyna oınaýǵa ketken. Onyń ómiri men densaýlyǵyna eshqandaı qaýip joq», - dep habarlady vedomstvo ókilderi.
Balasynyń din aman tabylǵanyna qýanǵan anasy Ekaterına Grohotova Glýbokoe aýdandyq PB qyzmetkerlerine alǵysyn aıtyp, shynaıy rızashylyǵyn bildirdi.
